🚨 სისხლიანი დაპირისპირება სვანეთში — საქმეში „პრაიმ ჰაუსის“ ყოფილი მონაწილე ავთო ჯაფარიძეც ფიგურირებს

🚨 სვანეთში მომხდარი დაპირისპირების საქმეზე ახალი დეტალები გახდა ცნობილი. გამოძიების ინფორმაციით, დაკავებულია კლიმენტი ჩართოლანი, რომელსაც სკოლის მოსწავლის ცემასა და ორი ადამიანის დაჭრას ედავებიან.

არსებული ინფორმაციით, თავად დაკავებულსაც აღენიშნება დაზიანებები და ის კლინიკაშია მოთავსებული.

საქმეში ფიგურირებს ცნობილი ტიკტოკერი და “პრაიმ ჰაუსის” ყოფილი მონაწილე ავთო ჯაფარიძეც. მისი დედის, თამარ ჯაფარიძის თქმით, ავთო შემთხვევის ადგილზე შემთხვევით აღმოჩნდა და არასრულწლოვანსა და მის დედას დაეხმარა:

“ავთო აბსოლუტურად უწყინარი ადამიანია – სავარაუდოდ, მან სიკვდილისგანაც დაიცვა ის ადამიანები. ბავშვებს შორის კონფლიქტი გადაზარდა მშობელმა, ავთომ კი შემთხვევით გაიარა იმ ადგილას. ვიცი, რომ დაიცვა არასრულწლოვანი დედასთან ერთად“.

⚠️ შსს-ს ინფორმაციით, მესტიაში ორ არასრულწლოვანს შორის დაწყებულ შელაპარაკებაში მოგვიანებით ერთ-ერთი მათგანის მამაც ჩაერთო და მეორე არასრულწლოვანს ფიზიკურად გაუსწორდა. დაპირისპირებაში შემდეგ სხვა მოქალაქეებიც ჩაერთნენ, რა დროსაც, გამოძიების ვერსიით, ბრალდებულმა ცივი იარაღით ორი ადამიანი დაჭრა.

🔎 ავთო ჯაფარიძე ამ ეტაპზე გამოკითხული არ არის. გამოძიება მომხდარის ყველა გარემოების დასადგენად გრძელდება.