აშშ-ში 22 წლის ქართველ კაცზე ძებნა გამოცხადდა – ის ახალი წლის ღამეს პენსილვანიის შტატში ავტოსადგომზე ქვეითებს დაეჯახა,- ინფორმაციას CBS NEWS ავრცელებს.
🔻 აშშ-ში 22 წლის ქართველ კაცზე ძებნა გამოცხადდა – ის ახალი წლის ღამეს პენსილვანიის შტატში ავტოსადგომზე ქვეითებს დაეჯახა | ინფორმაციას CBS NEWS ავრცელებს. პოლიციის პრესრელიზში ნათქვამია, რომ 22 წლის რობა გასიტაშვილს ბრალი ედება მკვლელობის მცდელობაში, დამამძიმებელ გარემოებებში თავდასხმასა და გაუფრთხილებლობით სხვა პირის საფრთხეში ჩაგდებაში.
🔴 პოლიციის ცნობით, ვიდეოსამეთვალყურეო კამერების ჩანაწერებში ჩანს, რომ 2026 წლის 1 იანვარს დაახლოებით ორ საათზე, თეთრი Volkswagen-ის სედანი ბასტლეტონ პაიკზე მდებარე Hive Lounge-ის ავტოსადგომზე მოძრაობდა, რა დროსაც სამ ქვეითს დაეჯახა. ორი კი მას შემთხვევით გადაურჩა. ამის შემდეგ მძღოლმა მანქანა არ გააჩერა და მანქანა ფეხით მოსიარულეების გარშემო წრეზე მაღალი სიჩქარით დაჰყავდა. „მძღოლი აგრძელებდა წრეზე სიარულს და რამდენჯერმე მიუახლოვდა ფეხით მოსიარულეებს, რომლებმაც ძლივს აიცილეს დაჯახება“ | განაცხადა პოლიციამ.
📍ადგილზე პოლიცია გამოიძახეს. სამართალდამცველებმა ავტოსადგომზე იპოვეს 29 წლის მამაკაცი, რომელიც უგონო მდგომარეობაში იმყოფებოდა. მას თავისა და სახის სერიოზული დაზიანებები ჰქონდა მიღებული. ის კრიტიკულ მდგომარეობაში იყო და ადგილობრივ საავადმყოფოში გადაიყვანეს. კიდევ ორი დაშავებული ადამიანის მდგომარეობა უცნობია. პოლიციის თქმით, ავტომობილი ახლომდებარე მაღაზიასთან იპოვეს, ის გასიტაშვილის სახელზე არის რეგისტრირებული და პოლიციელები ახლა მისი ადგილსამყოფელის დადგენას ცდილობენ.
