🔴 „გურამ დადიანიძის ნეშტის აღმოჩენის შესახებ გავრცელებული ინფორმაცია სიმართლეს არ შეესაბამება“ — ოჯახი საზოგადოებას მიმართავს!

გურამ დადიანიძის საქმეზე ამჟამად მიმდინარეობს გამოძიება.

დღეს სოციალურ ქსელებში გავრცელდა ინფორმაცია, თითქოს აღმოჩენილია გურამ დადიანიძის ნეშტი. აღნიშნული ინფორმაცია არ შეესაბამება სინამდვილეს.

გვსურს ხაზგასმით აღვნიშნოთ, რომ მსგავსი სახის დაუდასტურებელი და მცდარი ინფორმაციის გავრცელება განსაკუთრებით მძიმე ემოციურ და ფსიქოლოგიურ ზემოქმედებას ახდენს გურამ დადიანიძის დედაზე, რომელიც წლებია შვილის შესახებ სიმართლის დადგენას ელოდება.

გთხოვთ გამოიჩინოთ მაღალი პასუხისმგებლობა, განსაკუთრებული სიფრთხილით მოეკიდოთ აღნიშნულ საკითხთან დაკავშირებული ინფორმაციის გავრცელებას და პატივი სცეთ დედის ემოციურ მდგომარეობას!