მეტეორული წვიმა ახლოვდება – არსებობს თუ არა საფრთხე და რას ამბობენ მეცნიერები

ორიონიდების მეტეორული წვიმა, რომელიც ჰალეის კომეტის ნარჩენებით წარმოქმნილი ორი მნიშვნელოვანი მეტეორული წვიმიდან ერთ-ერთია, მიმდინარე კვირაში პიკს მიაღწევს. თუმცა, მთვარის ძლიერი ნათება მეტეორებზე დაკვირვებას გაართულებს, სანამ ის გვიან ღამით ჰორიზონტს მიღმა არ გაუჩინარდება.ამერიკის მეტეორული საზოგადოების ინფორმაციით, ოთხშაბათის ღამიდან ხუთშაბათის დილამდე, იდეალური დაკვირვების პირობებში, საათში 20-მდე მეტეორის დანახვა იქნება შესაძლებელი. მეტეორები პიკამდე და პიკის შემდეგ რამდენიმე კვირის განმავლობაშიც გამოჩნდება.ორიონიდებზე დაკვირვება შუაღამის შემდეგ როგორც ჩრდილოეთ, ისე სამხრეთ ნახევარსფეროშია შესაძლებელი. მიუხედავად იმისა, რომ მეტეორულ წვიმას სახელი ორიონის თანავარსკვლავედის მიხედვით ეწოდა, NASA-ს ცნობით, მეტეორების დანახვა ღამის ცის სხვადასხვა ნაწილში შეიძლება.ორიონიდები განსაკუთრებით მაღალი სიჩქარითა და სიკაშკაშით გამოირჩევა. ზოგჯერ ისინი ცაზე მანათობელ კვალს ტოვებენ, რომელიც რამდენიმე წამის განმავლობაში რჩება.