💔 შოკისმომგვრელი ამბავი — საუდის არაბეთში ბანგლადეშელ შეყვარებულებს სიკვდილით დასჯა აღუსრულეს!
25 წლის ნაზრულ ისლამ აბდულ ბასირსა და სვიტი ახტერს 14 ოქტომბერს, მექის რეგიონში, სიკვდილით დასჯა აღუსრულეს. თუმცა, საქმის კონკრეტული დეტალები დღემდე გაურკვეველია.
🇸🇦 საუდის არაბეთის შინაგან საქმეთა სამინისტროს ოფიციალურ განცხადებაში საუბარია მეჩეთში ჩადენილ „ამორალურ ქმედებაზე“, თუმცა არ დაუკონკრეტებიათ, კონკრეტულად რა მოხდა და რა მტკიცებულებები არსებობდა.
📌 ბანგლადეშის გენერალური საკონსულოს კონფიდენციალური ჩანაწერის თანახმად, რომელიც მედიაში გავრცელებული ინფორმაციის მიხედვით, 18 ოქტომბრით თარიღდება, ორივე მათგანი ჯერ კიდევ 2023 წლის აგვისტოში დააკავეს. ნაზრული კიბერდანაშაულში ედებოდა ბრალი, სვიტის კი — მრუშობაში.
⚠️ განსაკუთრებით შემაშფოთებელია ინფორმაცია, რომ საუდის არაბეთმა ბანგლადეშის საელჩოსა და საკონსულოს არც სიკვდილით დასჯამდე და არც მის შემდეგ არ აცნობა მომხდარის შესახებ. ბანგლადეშის ხელისუფლებამ ამის შესახებ მედიიდან შეიტყო.
💔 ტრაგედიის კიდევ ერთი მძიმე დეტალი: სიკვდილით დასჯამდე დაახლოებით 15 დღით ადრე სვიტიმ მშობლებს დაურეკა და უთხრა, რომ შესაძლოა, მალე გაეთავისუფლებინათ. ეს მათი ბოლო საუბარი აღმოჩნდა.
ნაზრულის ოჯახი შვილის ცხედრის სამშობლოში დაბრუნებას ითხოვს, რათა დაკრძალვა შეძლონ.
🇧🇩 ბანგლადეშმა საუდის არაბეთს უკვე გაუგზავნა დიპლომატიური ნოტა და მომხდართან დაკავშირებით განმარტებები მოითხოვა.
რა მოხდა სინამდვილეში და რატომ არ იყვნენ ინფორმირებული გარდაცვლილთა ოჯახები და დიპლომატიური წარმომადგენლები? ამ კითხვებზე პასუხი საზოგადოებისთვის ჯერ კიდევ უცნობია.
შენიშვნა: სოციალურ ქსელებში გავრცელებული ვერსია, თითქოს მამაკაცი მეუღლეს შუბლზე კოცნის გამო დასაჯეს, ოფიციალურად დადასტურებული არ არის.
