ახალციხეში 6 წლის ბავშვს მანქანა დაეჯახა

დღეს, 18 ივლისს, ახალციხეში, კოსტავას ქუჩაზე კრედო ბანკთან, 6 წლის ბავშვს მანქანა დაეჯახა. იგი სასწრაფო სამედიცინო დახმარების ჯგუფმა კლინიკა „იმედში“ გადაიყვანა.როგორც კლინიკაში გვითხრეს ბავშვის სიცოცხლეს საფრთხე არ ემუქრება.„მოზარდი ექვსი წლისაა, არაფერი სერიოზული, ზედაპირული დაზიანებები აქვს და ცოტახანს დავაკვირდებით კიდევ“ ,- განგვიცხადეს კლინიკაში. რა მუხლით დაიწყო გამოძიება მომხდარზე, ამ ეტაპზე უცნობია შსს-გან პასუხს ველოდებით.განახლება: შსს-ს განცხადებით, მომხდარზე გამოძიება, სსკ-ის 276-ე მუხლით დაიწყო, რაც ტრანსპორტის მოძრაობის უსაფრთხოების წესების დარღვევას გულისხმობს.