🚨 ტრაგედია გზაზე – ავტობუსის მძღოლი ადგილზე დაიღუპა, ორი მგზავრი დაშავდა

მსხვერპლით დასრულდა ავტოსაგზაო შემთხვევა საგარეჯოს მუნიციპალიტეტშიდაღუპულია მუნიციპალური ავტობუსის მძღოლი და დაშავებულია ორი მგზავრი.ავარია სოფელ ბადიაურში, დღეს მოხდა. საგარეჯო-ბადიაურის მიმართულებით მოძრავი მწვანე ავტობუსი გზის სავალი ნაწილიდან გადავიდა და ამობრუნდა.თავდაპირველად ავარიის მიზეზად სველ გზაზე მოცურება სახელდებოდა. მოგვიანებით გავრცელებული ინფორმაციით კი შესაძლოა, მძღოლი შეუძლოდ გახდა, რამაც ავტოსაგზაო შემთხვევა გამოიწვია.მძღოლი ადგილზე დაიღუპა, დაშავებულები კი საგარეჯოს „ჯეოჰოსპიტალსის“ კლინიკაში გადაიყვანეს.„მთავარი ამბები კახეთიდან“ გამოცემის ინფორმაციით, ერთ-ერთი პაციენტი უკვე გაწერილია კლინიკიდან, მეორე კი მსუბუქი დაზიანებებით კვლავ სამედიცინო დაწესებულებაში რჩება.ადგილზე მობილიზებული იყვნენ სამართალდამცავები და სამაშველო ბრიგადები.