🚨 ტრაქტორი და მსუბუქი ავტომობილი შეეჯახა – მძღოლი დაშავდა

ავტოსაგზაო შემთხვევა მოხდა თელავში, შვიდობის ქუჩაზე

ერთმანეთს ტრაქტორი და „ოპელ კომბო“ შეეჯახნენ. დაშავდა ტრაქტორის მძღოლი.

თვითმხილველების თქმით, ცენტრალურ გზაზე მიმავალ ტრაქტორს მაღალი სიჩქარით მოძრავი მსუბუქი ავტომობილი შეეჯახა.

შეჯახება იმდენად ძლიერი აღმოჩნდა, რომ მსხვილგაბარიტიანი ტრანსპორტი გადაბრუნდა და მძღოლი ქვეშ მოიყოლა.

სხეულზე მიღებული ტრამვებით, დაშავებული მამაკაცი სასწრაფო-სამედიცინო დახმარების ბრიგადამ კლინიკაში გადაიყვანა.

შემთხვევის ადგილზე მობილიზებული იყო პოლიცია და სახანძრო- სამაშველო სამსახური.

ფაქტზე მოკვლევა უკვე დაიწყეს სამართალდამცავებმა.