💔 უეცრად გარდაიცვალა ყველასთვის საყვარელი მასწავლებელი — პედაგოგები და მოსწავლეები გამორჩეულ მასწავლებელს, ლია დონდოლაძეს ემშვიდობებიან 😢

ნინოშვილი თავის გამორჩეულ მასწავლებელს- ლია დონდოლაძეს ემშვიდობება
ტირის სოფელი, რომელმაც ერთ- ერთი უსაყვარლესი პიროვნება დაკარგა…
ტირის სკოლა, რომლის კედლებშიც მისი ხმა, სითბო და სიყვარული დიდხანს იტრიალებს…
ტირიან ადამიანები, რომელთაც ერთხელ მაინც ჰქონიათ მასთან ურთიერთობა…
ქალბატონი ლია, უბრალოდ მასწავლებელი არ ყოფილა…ის იყო პიროვნება, რომელსაც შეეძლო თავისი სითბოთი სხვისი დღე გაენათებინა, თავისი სიყვარულით გული გაეთბო და ყველასათვის ძვირფასი გამხდარიყო.
შეუდარებელი პედაგოგი.წლის საუკეთესო მასწავლებლის წოდების ღირსეული მატარებელი, რომელმაც არაერთი თაობის გულში დაიმკვიდრა განსაკუთრებული ადგილი.
ლია დონდოლაძემ მთელი ცხოვრება სხვისთვის სიყვარულის გაცემაში გაატარა. ყველასათვის ჰქონდა თბილი სიტყვა, გულისხმიერება და თანადგომა.
თავად დედობის ბედნიერება არ რგებია, მაგრამ დედობრივ სიყვარულს საოცარი სიღრმით ატარებდა გულში. მან ძმისშვილი – გიორგი შვილივით გაზარდა. მთელი თავისი სითბო და სიყვარული აჩუქა…
უკურნებელ სენს ებრძოდა…ჩუმად, ტკივილით, მაგრამ ბოლომდე დარჩა კეთილ და მოსიყვარულე ადამიანად…
დღეს ნინოშვილის სკოლა საყვარელ მასწავლებელს გლოვობს, სოფელი სამაგალითო ქალბატონს, გიორგი კი ადამიანს, რომელიც მისთვის დედაც იყო და მთელი სამყაროც.
გაზეთ ,, ლანჩხუთის მოამბის” რედაქცია მწუხარებას გამოთქვამს ლია დონდოლაძის გარდაცვალების გამო და თანაგრძნობას უცხადებს ოჯახსა და ახლობლებს.