ოჯახი თბილისში გაუჩინარებულ ლატვიის მოქალაქეს, 24 წლის ეველინა სმირნოვას ეძებს. ინფორმაცია მისი გაუჩინარების შესახებ სოციალურ ქსელში თავდაპირველად ქალის ძმამ გაავრცელა 18 თებერვლის ღამეს, თბილისში მცხოვრები მიგრანტების ჯგუფში, Expats in Tbilisi.
24 წლის კოსმეტოლოგის ოჯახის წევრები რადიო თავისუფლებას ეუბნებიან, რომ ეველინას კვალი 15 თებერვლიდან იკარგება. უკანასკნელად ის მისმა მეგობარმა ბიჭმა ავლაბრის მეტროს სიახლოვეს ნახა.
ეველინა და მისი მეგობარი საქართველოში 12 თებერვალს ჩამოვიდნენ და ლატვიაში დაბრუნებას 18 თებერვალს, საღამოს გეგმავდნენ.
