უკრაინის ხარკოვის ოლქში რუსეთის მიერ დრონებით განხორციელებული დარტყმის შედეგად ქალი და ბავშვი დაიღუპნენ, – ინფორმაციას უკრაინული მედია ავრცელებს.
მათივე ინფორმაციით, თავდასხმის შედეგად არიან დაშავებულებიც.
უკრაინის საგანგებო სიტუაციების სახელმწიფო სამსახურის ცნობით, ოკუპანტებმა ქალაქ ბოგოდუხოვში კერძო სექტორს დრონებით შეუტიეს. ერთ-ერთი საცხოვრებელი შენობა მთლიანად განადგურდა.
„ნანგრევებიდან ორი დაღუპულის, ქალის და 10 წლის ბიჭის ცხედარი ამოიყვანეს. კიდევ სამი ადამიანი დაშავდა“, – ნათქვამია საგანგებო სიტუაციების სამსახურის განცხადებაში.
„ნანგრევებიდან ორი დაღუპულის, ქალის და 10 წლის ბიჭის ცხედარი ამოიყვანეს. კიდევ სამი ადამიანი დაშავდა“, – ნათქვამია საგანგებო სიტუაციების სამსახურის განცხადებაში.
ამასთან, დნეპროპეტროვსკის საოლქო-სამხედრო ადმინისტრაციის ხელმძღვანელმა, ალექსანდრ განჟამ, განაცხადა, რომ რუსების მიერ სინელნიკოვსკის რაიონის ქალაქ შახტიორსკიში დრონით განხორციელებული თავდასხმის შედეგად ცხრა ადამიანი დაშავდა, მათ შორის 13 წლის გოგონა.
