რუსთავის ქალთა ციხეში 70 წლის პატიმარი გარდაიცვალა

რუსთავის ქალთა ციხეში ბრალდებული გარდაიცვალა – 70 წლის ნუნუ ბრეგვაძე.
შემთხვევა 13 ნოემბერს მოხდა. როგორც „პუბლიკას“ პროკურატურაში განუცხადეს, საქმეს სამსახურებრივი გულგრილობის მუხლით იძიებენ.
ნუნუ ბრეგვაძე ე.წ. წინასწარ პატიმრობაში იყო. ის, ჩვენი ინფორმაციით, N5 დაწესებულებაში 26 ოქტომბერს შეასახლეს, სამ კვირაში – 13 ნოემბერს კი გარდაიცვალა.
ვიცით, რომ გარდაცვალებამდე ის გადაყვანილი იყო კიდეც კლინიკა „ვივამედში”, თუმცა მოგვიანებით ისევ ციხეში დააბრუნეს, სადაც გარდაიცვალა.
პენიტენციურ სამსახურს შეკითხვებით 21 იანვარს მივმართეთ, თუმცა უწყებისგან პასუხი ამ დრომდე არ მიგვიღია. მათ ვკითხეთ ყველა იმ საგულისხმო საკითხზე, რომელიც ოჯახისთვის ამ დრომდე პასუხგაუცემელია – ექსპერტიზის დასკვნაზე, გაწეულ სამედიცინო დახმარებაზე, იმაზე, თუ რა გააკეთა ციხის ადმინისტრაციამ იმისთვის, რომ თავიდან არიდებულიყო ბრალდებულის გარდაცვალება.„ეს ცნობა მოიპოვა ბრალდების მხარე, თუმცა მეც დავრეკე იქ, ჯანმრთელობის მდგომარეობიდან, ვინაიდან მაღალი არტერიული წნევა აწუხებდა სწორედ ეს გახდა გარდაცვალების მიზეზი, სხვა არანაირი მიზეზი არ არის.
გაკვეთეს გვამი, რომ დაედგინათ სიკვდილის მიზეზი. ასე ხდება ყველა გარდაცვლილი პატიმრის მიმართ… გაუწევდნენ [სამედიცინო დახმარებას], მაგრამ ვერ აღმოჩნდა ალბათ საკმარისი და გარდაიცვალა“, – ამბობს   ადვოკატი ირაკლი შენგელია.