მოვაჭრეების ნაწილს პიროტექნიკა ჩამოართვეს და დააჯარიმესიხილეთ:

მოვაჭრეებს პიროტექნიკა ჩანოართვეს და დააჯარიმეს – ინფორმაციას თბილისის მუნიციპალური ინსპექცია ავრცელებს. 

განცხადებაში მუნიციპალური ინსპექცია წერს, რომ გამოავლინა პიროტექნიკის უნებართვო რეალიზაციის ფაქტები.

ღონისძიების ფარგლებში, დამრღვევი მეწარმე სუბიექტები დაჯარიმდნენ და მოხდა პროდუქციის კონფისკაცია.

პიროტექნიკური ნაწარმის იმპორტი, ექსპორტი, წარმოება ან/და რეალიზაცია, საქართველოს კანონმდებლობით გათვალისწინებული ნებართვის/ლიცენზიის გარეშე, გამოიწვევს პირის დაჯარიმებას 5 000 ლარის ოდენობით, სამართალდარღვევის საგნის კონფისკაციით ან უამისოდ”- წერია განცხადებაში.

მათივე ინფორმაციით, აღნიშნული ქმედებების განმეორებით ჩადენა გამოიწვევს მის დაჯარიმებას 6 000 ლარის ოდენობით, სამართალდარღვევის საგნის კონფისკაციით ან უამისოდ;

კანონდარღვევაზე მონიტორინგი ინტენსიურად გაგრძელდება; 

მუნიციპალური ინსპექცია მოუწოდებს მეწარმეებს, თავი შეიკავონ პროდუქციის უკანონო რეალიზაციისგან”- აღნიშნავენ უწყებაში.