2026 წელი, წითელი ცეცხლოვანი ცხენის წელი, ასოცირდება ენერგიასთან, მოძრაობასთან, ძალასთან და აქტიურ ცხოვრებასთან. ცხენი მიჩნეულია სიცოცხლის, სისწრაფის და თავისუფალი ენერგიის მატარებლად. სწორედ ამიტომ, ბევრი ჰოროსკოპული და ფენშუისეული რეკომენდაცია გვირჩევს, ახალი წლის სუფრა იყოს ბუნებრივი, ფერადი და თბილი, ხოლო ზოგიერთი კერძი კი, რომელიც ჩვენთვის ახალ წელთან ასოცირდება პირიქით, არასასურველია.
ქვემოთ გირჩევთ, რა არ უნდა დაიდოს მაგიდაზე ამ ახალ წელს, რომ არ გავაბრაზოთ ცხენი და ოჯახში მხოლოდ სიკეთე მოვიზიდოთ.
ძალიან მძიმე და ზედმეტად ცხიმიანი ხორცეული
ცხენის ენერგიის მთავარი მახასიათებელია სიმსუბუქე, მოქნილობა და მოძრაობა. ძალიან მძიმე, ცხიმიანი და გადამეტებულად კალორიული ხორცეული ითვლება „ენერგიის დამამძიმებლად“. ასეთებია:
ცხიმიანი ღორის ხორცი;
მძიმედ, ზეთში შემწვარი კერძები.
ასეთი საკვები ამცირებს იმ “სისწრაფესა და ცოცხალ ენერგიას“, რასაც ცხენის წელი მოითხოვს.
რა უყვარს “ცეცხლოვან ცხენს?” – ერთი ქართული კერძი, რომელიც ახალი წლის ღამეს სუფრაზე უნდა გედოთ
ზღვის პროდუქტები
ბევრ აღმოსავლურ ტრადიციაში ლობსტერი, კრევეტები და ზოგადად, კიბოსნაირები უკავშირდება მოძრაობას „უკან“ ან „გვერდულად“. ამიტომ, ახალი წლის ღამეს ასეთი მოძრაობა შესაძლოა „წლის განმავლობაში უკან დახევად“ აღიქმებოდეს. ახალი წლის სუფრისთვის არასასურველი პროდუქტებია:
ლობსტერი;
კრევეტები;
კიბო.
ერთფეროვანი ან ზედმეტად თეთრი საკვები
ზოგ კულტურაში თეთრი ფერი ასოცირდება სიცარიელესთან, სიჩუმესთან და დაბალ ენერგეტიკასთან. ცხენის წელი კი საჭიროებს სიცხეს, ფერადოვნებასა და სიცოცხლეს.
ამ ახალი წლის სუფრას არ შეეფერება:
მხოლოდ თეთრი პური;
მთლიანად თეთრი სალათები;
უგემო, ერთფეროვანი კერძები.
ეს არ არის აკრძალვა, უბრალოდ სუფრა არ უნდა გამოიყურებოდეს ერთფეროვანი და ენერგიისგან დაცლილი.
როგორ მოვრთოთ საახალწლო ნაძვის ხე ასტროლოგის რჩევით, რომ ახალი წელი იღბლიანი იყოს
ნახევარფაბრიკატები და არაბუნებრივი პროდუქტები
ცეცხლოვანი ცხენის წელი ბუნებრივ ენერგიას უკავშირდება. ხარისხიან, ახალ პროდუქტებს, ხელით გაკეთებულ კერძებს და ბუნებრივ ინგრედიენტებს განსაკუთრებული მნიშვნელობა ეძლევა.
ახალი წლის სუფრისთვის არასასურველია:
ნახევარფაბრიკატები;
ზედმეტად ქიმიური/კონსერვირებული საკვები;
მზა, დაბალი ხარისხის პროდუქტები.
ეს ყველა ასოცირდება „სურვილის გარეშე გაკეთებულ“, ენერგიისგან დაცლილ საჭმელთან.
დიდი რაოდენობით ალკოჰოლი
ცხენის ენერგია მოითხოვს სიფხიზლეს, კონტროლს და აქტიურობას. ძალიან მძიმე ალკოჰოლის დიდი ოდენობა – სიმბოლურად ითვლება „ენერგიის დარღვევად“.
შეგიძლია გამოიყენო:
მსუბუქი ღვინო;
შამპანური;
მსუბუქი კოქტეილები.
ცხენის წელი მოითხოვს სიცოცხლეს, სითბოს, ფერადოვნებას, ბუნებრიობას და ენერგიას. ამიტომ სასურველია, რომ მაგიდაზე იყოს მსუბუქი, ბუნებრივი, ფერადი და დახვეწილი კერძები და მოერიდო იმ საკვებს, რომლებიც სიმბოლურად „აბრკოლებს“ მოძრაობას, თავისუფლებას ან სიჩქარეს.
