უკრაინის სამხედრო დაზვერვამ სხვადასხვა ქვეყანაში რუსეთის შეიარაღებული ძალების კომუნიკაციის ტერმინალები გამოააშკარავა – დაზვერვის მიერ გამოქვეყნებული რუკით, მათ შორის ერთ-ერთი ტერმინალი საქართველოს ტერიტორიაზეა მონიშნული.
როგორც დაზვერვის მიერ გამოქვეყნებულ ინფორმაციაში ვკითხულობთ, რუსული კომუნიკაციების ტერმინალები გამოაშკარავებულია უკრაინის მიერ კონტროლირებად ტერიტორიაზე, საქართველოში და აფრიკაში.
“უკრაინის დაზვერვამ რუსეთის შეიარაღებული ძალების სპეციალური, დაცული კომუნიკაცების ტერმინალები გამოააშკარავა. აღნიშნული ტერმინალებიდან რუსეთის გეგმების შესახებ მიღებული ინფორმაციის ხანგრძლივი გამოყენების შემდეგ, მივიღეთ გადაწყვეტილება ამ ტერმინალების ადგილსამყოფელის გასაჯაროებისა და მათი განადგურების შესახებ” – წერს უკრაინის დაზვერვა გავრცელებულ ინფორმაციაში.
