სამართალდამცავებმა საპროტესტო მარშის რამდენიმე მონაწილე დააკავეს. შემთხვევა კოტე აფხაზის ქუჩაზე მოხდა, როდესაც მარშის მონაწილეები გზის სავალ ნაწილზე გადასვლას ცდილობდნენ.
ამ წუთებში მსვლელობა პუშკინის ქუჩაზე გრძელდება და როგორც მოქალაქეები აცხადებენ, ბარათაშვილის ქუჩისკენ მიდიან.
რუსთაველის გამზირზე შეკრებილმა აქციის მონაწილეებმა საპროტესტო მსვლელობა გამართეს.
მსვლელობის ორგანიზატორები მოუწოდებენ მოქალაქეებს, არ შევიდნენ კომუნიკაციაში პოლიციელებთან და მოერიდონ დაპირისპირებას.
აქციის მონაწილეებს თან აქვთ საქართველოსა და ევროკავშირის დროშები.
ისინი სკანდირებენ: „თავისუფლება რეჟიმის ტყვეებს“.
მსვლელობის მონაწილეებს თან მიჰყვება პოლიცია, ისინი აქციის მონაწილეებს გზაზე გადასვლის და გზის გადაკეტვის საშუალებას არ აძლევენ.
