🔴 ვერაზე მომხდარი სროლის საქმეზე ახალი დეტალები – რა გახდა მკვლელობის მიზეზი?

🔻 ვერაზე მომხდარი სროლისა და მკვლელობის საქმეზე დაკავებული ნიკა კაპანაძე | მის ფოტოს TV პირველი ავრცელებს. ცნობილია ისიც, რომ ხორავას ქუჩაზე გუშინ მოკლული 17 წლის ბიჭი ნიკოლოზ ღუნაშვილია🔻 გუშინ გვიან საღამოს, ვერაზე, ხორავას ქუჩაზე სროლის შედეგად 4 ადამიანი დაიჭრა, მათ შორის ორი არასრულწლოვანი. მოგვიანებით, 17 წლის ნიკოლოზ ღუნაშვილი კლინიკაში გარდაიცვალა. როგორც შსს-ს მიერ გვიან ღამით გავრცელებულ განცხადებაშია ნათქვამი, “სამართალდამცველებმა, ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, დანაშაულის ჩამდენი პირი მომხდარიდან მალევე დააკავეს”🔻 ცოტა ხნის წინ ინტერპრესნიუსმა ვერაზე მომხდარი სროლისა და მკვლელობის ახალი დეტალები გაასაჯაროვა. გამოცემამ დაწერა, რომ თავდაპირველად შელაპარაკება დაკავებულ ნიკა კაპანაძის დედასა და დაჭრილებს შორის მოხდა – კაფიდან გამოსულ ახალგაზრდებს, რომელთა ავტომანქანაც დაკავებულის საცხოვრებელი სახლის წინ იდგა, ქალმა შენიშვნა მისცა. არსებული ინფორმაციით, დაკავებულმა სწორედ ამის შემდეგ გაისროლა. საინფორმაციო სააგენტო წერს, რომ ავტომობილში მყოფი ოთხი პირიდან ცეცხლსასროლი იარაღიდან გასროლილი ტყვია სამს მოხვდა, მძღოლი კი არ დაშავებულა. დაჭრილი ქალი კი, მათი ინფორმაციით, ტაქსით გადაადგილდებოდა, როდესაც ტყვია მოხვდა